අභාවකාශයට සෝපානයෙන් යන්න ThothX Space Elevator

thothx-space-elevator

ThothX Space elevator | www.techpedia.lk

අභ්‍යවකාශයට පිවිසීම ඉතා අසීරු මෙන්ම විශාල මුදලක් වැයවන ක්‍රියාවක් නමුත් ඉතා උස් ගොඩනැගිල්ලක ඉහලටම නැගීමට අපි විදුලි සෝපානයක් භාවිත කරනවා සේම අභ්‍යවකාශයට පිවිසීමටත් සෝපානයක් තිබුනොත්. මෙවන් අභ්‍යවකාශ සොපනයන් (space elevator) බොහොමයක් විද්‍යා ප්‍රබන්ද වල අඩංගු වෙනවා. නමුත් අද අප ඔබට ගෙන එන්නේ සැබවින්ම එවන් space elevator එකක්  නිපදවීම සදහා දරන වැයමක් පිළිබඳවයි.  මේ අලුත්ම space elevatorසංකල්පයේ හිමිකාරිත්වය තිබෙන්නේ කැනේඩියානු අභ්‍යවකාශ ආයතනයක් වන Thoth Technology  නමැති ආයතනයයි. ඔවුන් මේ අදහසට patent එකක් පවා ලබාගෙන තිබෙනවා. ඔවුන් මේ space elevator එක නම් කොට තිබෙන්නේ ThothX ලෙසයි

මේ space elevator එකත් සමග අභ්‍යවකාශ ගමනක ඉන්දන වියදම 30% පමණ අඩුකරගත හැකි බව මේ සමගම පවසා සිටිනවා. සාමාන්‍යයෙන් පෘථිවි පෘෂ්ටයේ සිට 50km ට වඩා ඉහල උසකට නැගීමට නම් අනිවාර්යයෙන්ම rocket තාක්ෂනය අවශ්‍ය වෙනවා. rocket තාක්ෂනය යනු ඉතා අකාර්යක්‍ෂම ප්‍රවාහන මාධ්‍යයක්. rocket එකක් මගින් කිසියම් වස්තුවක් කක්ෂ ගත කිරීමට නම් ඉතා විශාල ඉන්දන පරමනයක් අවශ්‍ය වෙනවා. මෙහිදී අදාල වස්තුවේ බරට අවශ්‍ය ඉන්දන පමණක් නොව rocket එකේ බරත් ඉන්දන වල බරත් ඉහලට ගෙන යාමට අවශ්‍ය ඉන්දන rocket එක තුල අඩංගු විය යතු වෙනවා. Rocket එක මත වායුගෝලයෙන් ඇතිකරන ප්‍රතිරෝදී බලය මැඩගෙන ඉදිරියට යාමටත් තව අමතර ඉන්දන ප්‍රමාණයක් අවශ්‍ය වෙනවා. මේ නිසා rocket එකක ගමන් අදියර වලින් ප්‍රථම 100km ඉහලට නැගීම සඳහා ඉතා විශාල ඉන්දන වියදමක් යනවා.

rocket එකක් වෙනුවට space elevator එකක් ප්‍රථම වරට යෝජනා කරනු ලැබුවේ රුසියානු අභාවකෂ විද්‍යාවේ පුරෝගාමියෙක් වන Konstantin Tsiolkovsky විසින් 1909 දී. ශ්‍රීමත් ආතර් සි ක්ලාර්ක් මහතා විසින් මේ අදහස තමාගේ පරාදීසයේ උල්පත් (The Fountains of Paradise) නමැති කෘතියේදී යොදාගැනීමත් සමගම මේ අදහස බොහෝ ජනප්‍රිය වුනා.  මෙතෙක් කල් යෝජනා වී ඇති space elevator වල පවතින ප්‍රධාන ගැටළුවක් වන්නේ ඔවුන් ඒවා  භූ සමමුහුර්ත (Geo Synchronous) කක්ෂය දක්වාම ඉදිකළ යුතු යයි යෝජනා කොට තිබීමයි Geo Synchronous orbit එක පවතිනේ මුහුදු මට්ටමේ සිට     36,000 km පමණ උසකින්. මෙතරම් උසකට ගොඩනැගිල්ලක් ඉදිකළ හැකි තාක්ෂණයක් අපට නැහැ එමෙන්ම ඒ සඳහා සුදුසු අමුද්‍රව්‍යයක් වත් තවම සොයාගෙන නැහැ. කෙසේ වෙතත් මෙවන් space elevator එකක් නිර්මාණය කළහොත් එයට 1kg ක බරක් අභ්‍යවකාශ ගත කිරීම සඳහා වැයවන්නේ $220 ක් පමණ සුළු මුදලක්. 

thothx-space-elevator-7@2x

Thoth Technology සමාගමේ අදහස මිට හාත්පසින්ම වෙනස් ඔවුන් යෝජනා කරන කුළුන ඉදිවන්නේ 20km උසකට පමණයි. වක්‍රාකාර හැඩයක් ගන්නා එහි පහල බඳ කොටසේ විෂ්කම්භය 230m පමණ වෙනවා. එහි ඉහල කොටස rocket අභ්‍යවකාශ ගත කිරීමට අවශ launch pad එකක් මෙන්ම space shuttle land කිරීමට අවශ්‍ය ධාවන පථයයක් (Runway) එකකින් ද සමන්විතයි. 20km යනු අභාවකාශයට පිවිසීම සඳහා අවශ්‍ය දුරෙන් ඉතා කුඩා ප්‍රමාණයක් උවත් ඒ හරහා ඉන්දන වියදම 30% පමණ අඩුකරගත හැකිවනු ඇති බවට Thoth Technology ආයතනය ගණන් බලා තිබෙනවා. එයට හේතුව වන්නේ පෘථිවි පෘෂ්ටයට ආසන්නව පවතින ඉහල  වායු ප්‍රතිරෝදය ඉහලට යාමේදී කෙමෙන් කෙමෙන් අඩුවන නිසා.

මෙතරම් උස කුළුණක් සමබරව තබන්නේ කෙසේදැයි ඔබට ගැටළුවක් මතුවෙනවා ඇති. මේ සඳහා Thoth Technology සමගම ලබා දී තිබෙන්න අපුරු විසඳුමක්. කුලුනේ විශාල  flywheels (ජවරෝද) කට්ටල අන්තර්ගත වෙනවා මේවා මගින් ලැබෙන  අවස්ථිති ඝූර්ණය පාලනය කිරීම තුලින් මේ කුළුන සමබරව තබගනෙනවා 

space elevator එකක් ලෙස භාවිත වනවාට අමතරව හෝටල් කටයුතු සඳහා සනිවෙදන කටයුතු සඳහා මෙන්ම සුළං විදුලි බලාගාරයක් ලෙසද මෙය භාවිතයට ගත හැකි බවයි Thoth Technology සමාගමේ අදහස වන්නේ. කෙසේ වෙතත් තවමත් මෙය අදහසක් පමණයි. එය යථාර්තයක් වන්නට තව බොහෝ කලක් ගතවනු ඇති.

Bookmark the permalink.

Leave a Reply

Your email address will not be published. Required fields are marked *