හඳුනා නොගත් අභ්‍යවකාශ වස්තුවක් පෘථිවියට

wtf3

හඳුනා නොගත් අභ්‍යවකාශ වස්තුන්(Unknown Space Object)  යන නම අසුන සැනින් අපට මතක් වන්නේ පිටසක්වල ජීවින්. නමුත් මේ කියන්නට සුදානම් වන්නේ ළඟදීම පෘථිවිය හා ඝට්ටනය වීමට පැමිණෙන හඳුනා නොගත් අභ්‍යවකාශ වස්තුවක් පිළිබඳවයි.

මෙම අභ්‍යවකාශ වස්තුව නම්කොට තිබෙන්නේ WT1190F  ලෙසයි. මෙය පෘථිවිය වටා අවකාශයේ ගමන්ගන්නා space debris වලින් කොටසක් ලෙස බොහෝ දෙනා විස්වාස කරනවා. කෙසේ වෙතත් මෙම හඳුනා නොගත් වස්තුව November මස 13 වන දින ශ්‍රී ලංකාවට පහලින් වන ඉන්දියන් සාගරයට පතිතවනු ඇති ගණන් බලා තිබෙනවා. එය එදින ශ්‍රී ලංකා වේලාවෙන් රාත්‍රී 12 ට පමණ ශ්‍රී ලංකාවේ දකුණු දිග වෙරල තිරයෙන් කිලෝමීටර් 65ක් පමණ ඇත මුහුදට කඩා වැටෙනු ඇති ගණන් බලා තිබෙනවා

දැනට ලැබී ඇති දත්ත අනුව එය මීටර් 2 ක පමණ විශාලත්වයකින් යුතු කුහර සහිත වස්තුවක් ලෙස අනුමාන කෙරෙනවා. ඒ නිසාම එය ස්වභාවික වස්තුවක් නොවන බවයි බොහෝ දෙනාගේ අදහස වන්නේ. මෙය මෑතකදී හෝ කාලයකට ඉහත කරන ලද චන්ද්‍ර ගමනකට යොදාගන්නා ලද රොකට්ටුවක ඉතිරි වූ කොටසක් වනු ඇති බවටද මතයක් පල වී තිබෙනවා.

මෙම වස්තුවේ ප්‍රමාණය කුඩා වීම සහ එය කුහරමය වස්තුවක් වීම නිසා ඒ මගින් කිසිදු හානියක් සිදුවෙතැයි අපේක්ෂා කල නොහැකි තරම්. කෙසේ වෙතත් පර්යේෂකයන් මේ අභ්‍යවකාශ වස්තුව පිලිබන්දව බොහෝ උනන්දුවෙන් පසුවන්නේ ඔවුන්ට අභ්‍යවකාශයේ සිට පැමිණෙන වස්තුවක ගමන් මාර්ගය කල් තියා නිර්ණය කිරීමට ඔවුන් යොදාගන්නා ක්‍රම වේදයන් වල නිවැරදි තවා පිරික්සීමට මෙය ඉතා අනගි අවස්තාවක් වන බැවිනි.

එමෙන්ම කිසියම් දිනක පෘථිවියට අහිතකර විනාශකාරී උල්කාපාතයක් පෘථිවිය හා ගට්ටනය වීමට පැමිණෙන්නේනම් එවන් අවස්ථාවක ගත යුතු ආරක්ෂාකාරී ක්‍රියා පිළිවෙත් මොනවද සහ ඒවා අනුගමනය කල යුත්තේ කෙසේද යන්න පිලිබන්දව සලකා බැලීමටත් මෙය ඉතා වැදගත් අවස්ථාවක් වනු ඇති.

මෙමෙ අභ්‍යවකාශ වස්තුව ප්‍රථම වරට සොයාගෙන තිබුනේ 2012 වසරේදී. 2013 වසරේදීද පරීක්ෂකයන් විසින් මෙම ආකාශ වස්තුව නිරීක්ෂණය කොට තිබෙනවා.

විවිධ අවස්ථාවන් වලදී සිදුකරන ලද අභ්‍යවකාශ ගමන් සහ අතහැර දම ලද චන්ද්‍රිකා වලින් නිර්මාණය වුන අභ්‍යවකාශ කසල ගොඩක් පෘථිවිය වටා නිරන්තරයෙන්ම සැරිසරමින් පවතිනවා. මෙවන් වස්තුන් පෘථිවි වායුගෝලයට අතුල්විමේදීම ගිනිගෙන විනාශ වී යනවා. නමුත් WT1190F   යනු පෘථිවියට ඉතා අතින් වූ කක්ෂයක පෘථිවිය සහ චන්ද්‍රයා මැදිකරගෙන විශාල කක්ෂයක ගමන් ගන්නා අභ්‍යවකාශ වස්තුවක්. මෙවන් අභ්‍යවකාශ වස්තුන් පවතින්නේ ඉතාමත් කිහිපයක් පමණයි. WT1190F  යනු ඒවා අතරින් එකක්. ඒ නිසාවෙන් මෙය දුර්ලභ ගනයේ අකෂ වස්තුවක් ලෙස වර්ගීකරණය කර තිබෙනවා

Bookmark the permalink.

Leave a Reply

Your email address will not be published. Required fields are marked *