ගවයාගෙන් ට්‍රැක්ටරයට, දැන් එතනින් කොහෙටද ?

ගොවිතැන කියන්නේ අපේ ලෝකයේම ජිවය රඳාපවතින කාරණයක්, අපි එක ගැන එච්ර හිතුවේ නැති උනාට අපට බත සපයා දෙන ගොවියන් ඉන්නේ නැත්තම් අපි මොනවද කන්නේ ? අපේ අතිශය කාර්යබහුල ජීවිතයන් එක්ක එය ගැන  කල්පනවෙන්න වෙලාවක්  නැති එක පුදුමයක් නොවෙයි. අපේ රටේ ප්‍රමාණයත් එක්ක අපේ ගොවියන් සතු වග බිම් තරමක් කුඩා උනත් ඇතැම් රටවල් වල එක පුද්ගලයකුට හෙක්ටයාර ගණන් විශාල ඉඩම් අයිතිය තිබෙනවා, මොකද ඔව්න්ගේ රටවල් එතරම් විශාලයි. අප්‍රිකාව, ඔස්ට්‍රේලියාව, නවසීලන්තය, ඇමෙරිකාව ඒ අතුරින් ඉදිරියෙන් සිටිනවා.  අපේ රටේ නැති උනාට මේ වගේ රටවල් වල වගා කටයුතු සඳහා යොදාගන්නේ අතිවිශාල යන්ත්‍ර සුත්‍ර, නමුත් අක්කර දහස් ගණන් විශාල ඉඩම් වල කටයුතු කිරීම එතරම් පහසු දෙයක් නොවන නිසා දැන් රියදුරන් නොමැතිව auto pilot තාක්ෂනය  ගොවිබිම් වලටත් එක්කිරිමටයි සුදානම.

concept-autonomous-tractor-2

CNH කියන්නේ එංගලන්තයේ පිහිටි වගාකටයුතු හා බරවාහන නිපදවන සමාගමක් වන අතර ඔව්න් දැන් ස්වයංක්‍රිය ධාවනය ගොවිබිම් වලට හදුන්වා දීමට සුදානම් වනවා. මෙයද අප මිට පෙර ඔබට ගෙන ආ Lidar තාක්ෂනය පදනම් කරගත් රියදුරු නොමැතිව ධාවනය කිරීමට හැකි ට්‍රැක්ටර් රථයක්. මෙය දැනට concept design එකක් වශයෙන් පවතින අතර නමුත් මෙයද තව වැඩි කාලයක් නොගොස් යථාර්තයක් බවට පත්වනු නියතයි. මෙහිදී GPS හා Lidar තාක්ෂනය එක්ව කැමරා මගීන් පාලනය වන මෙම ට්‍රැක්ටරය රියදුරු නොමැතිව පොහොර යෙදීම , අස්වනු නෙලීම මෙන්ම බිම් සැකසීම සිදුකිරීමටත් හැකියාව පවතිනවා. මේ කටයුතු සියල්ල ගොවිපල හිමියාට තම පරිඝනකය හෝ ටැබ් එක මගීන් නිරීක්ෂණය කිරමට පුළුවන්, නොකඩවා පැය 24ක් හෝ ඊට වඩා වැඩ කිරීමේ හැකියාවෙන් මෙම යන්ත්‍ර සමන්විත වන අතරම  එකවර යන්ත්‍ර කිහිපයක් වුවද එකම බිම්කඩක් සකස් කිරීමට යොදවන්න හැකියාව තිබෙන අතර එවිට එම යන්ත්‍ර අතර පණිවිඩ හුවමරුව සිදුකරගනිමින් වඩාත් කාර්යක්ෂමව ක්‍රියාකිරීමට නියමිත අතර එමගින් ගොවිතැන වඩාත් ඵලදායි හා කාර්යක්‍ෂම වනු ඇතියි.

බැටරි නැතිව WiFi වලින් වැඩකරන උපකරණ ළඟදීම

power-over-wifi-2

ටෙස්ලා කිව්වම සමහරුන්ට ටෙස්ලා මෝටර් රථයත් තවත් සමහරුන්ට ටෙස්ලා නම්වූ අද්විතීය විද්යාඥයා මතක් වෙන්නත් පුළුවන්. මෝටර් රථ ගැන නම් අපි ටිකක් වැඩිපුරත් කතාකරනවනේ. අද කතා කරන්න යන්නේ ටෙස්ලා නම්වූ විද්යාඥයාගේ සිහිනයක් සබැවන ලකුණක් පිළිබඳවයි. නිකොල් ටෙස්ලා නම්වූ ඔහුට තිබු එක සිහිනයක් තමයි රැහැන් රහිතව සන්නිවේදනය හා බලශක්තිය සම්ප්‍රේෂණය. සනිවේදනය කියන කරණය දැන් සැබෑවෙලා බොහෝකල් උනත් රැහැන් රහිත බලශක්ති සම්ප්‍රේෂණය ගැන එතරම් කතාවක් තිබුනේ නෑ. නමුත් දැන් University of Washingtonහි පර්යේෂකයින් පිරිසක් wifi තාක්ෂනය හරහා බලගැන්විය හැකි ambient Wi-Fi backscatter නම් තාක්ෂණයක් හදුන්වා දෙනවා.

තරමක් ප්‍රථමික අවදියේ පවතින මේ තාක්ෂනය ඔස්සේ ඔව්න් සමත් වෙලා තිබෙනවා විවිධ වූ ඉලෙක්ට්‍රොනික උපකරණ අතර සන්නිවේදනය බැටරි රහිතව wifi සිග්නල් යොදාගනිමින් සිදු කරන්නට. එහිදී එම සනිවෙදන කටයුතු සඳහා භාවිතා කර ඇත්තේ wifi හරහා පැමිණෙන ඉතාමත් කුඩා ශක්තියයි. ඒ වගේම මේ සඳහා wifi වලට අමතරව අප අවට ඇති ඕනෑම ගුවන් විදුලි තරඟයක් මගින් තම බලශක්තිය සපයාගැනීමේ හැකියාව පවතිනවා, එහිදී රුපවාහිනී හා ගුවන්විදුලි තරංග මෙන්ම gsm තරංගත් යොදාගත හැකි බව ඔව්න් පවසනවා.

backscatter

මේ තාක්ෂණය ඉතාමත් හොඳ අනාගතයක් ඇති තාක්ෂණයක් ලෙස හදුන්වන්න පුළුවන්. දැනට මොන තරම් තාක්ෂනය දියුණුවුවත් ඒ සෑම තාක්ෂණික උපකරණයක්ම බල ගැන්වීමට බලය ලබාගන්න වෙන්නේ බැටරියකින් හෝ wire එකක් මගින්. නමුත් සිතන්න අප දැනට භාවිතා කරන සියලුම උපකරණයන් බැටරි charge කිරීමකින් හෝ කිසිදු wire එකකින් සම්බන්ද කිරීමකින් තොරව භාවිතා කරන්න පුළුවන් උනොත් කොහොම තියේවිද? ඒ විතරක් නොවෙයි දැනට විවිධ දත්ත එකතුකිරිම සඳහා යොදාගන්න sensor මේ ආකාරයට බලගන්වන්න පුළුවන් වේවි,එවිට මිනිසුන්ට ගමන් ගැනීමට අපහසු ස්ථානවල රැඳවිය හැකි මෙවැනි උපකරණ බැටරි හුවමාරුවක් අනවශ්‍ය නිසා ඉතා දිගු ආයුකාලයක් ඇතිව භාවිතා කරන්න අපට පුළුවන් වේවි.

තාක්ෂනය ගැන ලියවෙන අපේ වෙබ් අඩවියහා එක් වූ ඔබට බෙහෙවිම ස්තිතියි,
Like Us : www.facebook.com/techpedia.lk
Visit Us: www.techpedia.lk

මොරටුව සරසවියෙන් මව්බිමට අන්තර්ජාතික ජයග්‍රහණයක්

49213f5c-49a8-4626-9358-ac4ae7274440

අපසමග නිරන්තරයෙන් රැඳී සිටි ඔබට මතක ඇති අපි මිට පෙර ඔබට ගෙන ආ ලිපියක් ගැන. ඒ මොරටුව සරසවියේ සිසුන් තිදෙනෙකු විසින් නිපදවූ බිහිරි පුද්ගලයින්ට අනතුරු හැඟවීමේ බඳ පටියක් ගැනයි. ඔව්න් ඉන්දියාව පකිස්ථානය පරදා දකුණු ආසියාතික කලාපිය ජයග්‍රහණය ලඟා කරගත්තා. ඉන්පසුව දැන් ඔව්න් එම නිර්මාණය සඳහා ආසියා ශාන්තිකර කලාපයේ ප්‍රථම ස්ථානය හිමිකරගනිමින් ලංකාවට අන්තර්ජාතික ජයග්‍රහණයක් ලබාදීමට සමත්ව තිබෙනවා. ඔව්න් මේ දස්කම දක්වා ඇත්තේ හොංකොං හා චීනය දෙවන හා තේවන ස්ථානයන්ට ඇද දමමින්. හසල සක්විති රෝහණවංශ, එරංග ද සිල්වා හා පේශාන් සම්පත් තිදෙනාටම අපගේ උණුසුම් සුභ පැතුම්.

Institute of Mechanical Engineers (IMechE) ආයතනය විසින් මේ තරඟාවලිය පැවැත්වූ අතර. එදිනෙද මිනිසුන් හට මුහුණ දීමට සිදුවන ගැටළු හදුනාගනිමින් ඒසඳහා ඉංජිනේරුමය විසදුම් ලබාදෙමින් මානව සුභසාධනය ළඟාකරදීම අරමුණුකරගත් මෙම තරඟාවලියේ මෙවර තේමාව වී ඇත්තේ ශ්‍රව්‍යාබාධිත පුද්ගලයන්. ආචාර්ය රන්ජිත් අමරසිංහ මහතාගේ අධීක්ෂණය යටතේ මෙම “මැවිසුරු” කණ්ඩායම විසින් තරඟයට ඉදිරිපත්කරන ඇත්තේ බඳපටියක්. මෙම බඳපටිය මයික්‍රෝෆෝන කිහිපයකින්, vibrator කිහිපයකින් සමන්විත වුවක්.

c41eb416-1e1f-4668-8da9-e3df7f35240e

මෙම බඳපටිය ක්‍රියාත්මක වන්නේ මෙහෙමයි. ශ්‍රව්‍යඅබාධ සහිත පුද්ගලයකු ප්‍රධාන වශයෙන් සංවේදනය ලබන්නේ දෑස මගින්, අපට ඇස්දෙක මගින් දැකිය හැක්කේ සිමිත පරාසයක් පමණයි. හැබැයි අපට අප වටා සිදුවන සියලුදේ ශ්‍රවනය කිරීමට පුලුවන්. නමුත් ශ්‍රව්‍යඅබාධිත පුද්ගලයෙකුට එය මගහැරෙනවා. එම හිඩැස පිරවීමට මෙම බඳපටිය සහය වනවා. උදාහරණය ලෙස අප හිතමු මෙම බැඳපටිය සහිත පුද්ගලයකුට  පසුපසින් එන බස් රථයකින් නලාව ශබ්දකරනවා, ඒවිට බඳපටියෙහි ඇති පිටුපස මයික්‍රෝෆෝනය මගින් එය හදුනාගෙන පසුපස vibrator එක ක්‍රියාත්මක කරනවා. එවිට එය පැළඳි පුද්ගලයාට දැනගන්න පුළුවන් තමාට පසුපසින් විශාල ශබ්දයක් ඇසුණු බව හා එය දෙස බලා ආරක්ෂාකාරීව ඉවත්වීමට. මෙලෙස විශාල ශබ්ද වලට  හා මුලික මිනිස් විධානයන් වලටද මෙය සංවේදී වනවා. මුලික විධානයන් විවිධ වූ කම්පන රටාවන් මගින් දැනගැනීමට ඉඩ සලසාදීමට මෙම උපකරණය සමත්.

අපෙගේ web අඩවිය පිලිබඳව ඔබගේ අදහස් අපට එවන්න. අප හා සම්බන්ධ වන්න
Like Us: www.fb.com/techpedia.lk
Visit Us: www.techpedia.lk

අලුත්ම ටෙස්ලා model 3 මෝටර් රථය

page tesla

Elon Musk ගැන අපි මිට කලින් කතා කරලා තියනවා ඔබට මතක ඇති, eBay නිර්මාණය කිරීමේන් පසුව space x, ටෙස්ලා හා  hyper loop වැනි සමාගම් පිහිටුවමින් වර්තමාන ලෝකයේ තාක්ෂණික විප්ලවයක් සිදුකරමින් සිටින පුද්ගලයක් තමයි ඔහු. ඔහුගේ Tesla සමාගමේ නවතම මෝටර් රථය පසුගිය දිනෙක වෙළඳ පොලට හදුන්වාදුන් අතර 2017දි වෙළඳපොළට එක්කිරීමට නියමිත මෙම මෝටර් රථය මිලදීගැනීම සඳහා පෙර ඇනවුම් කිරීමද ආරම්භකරා.dsc_00051

Tesla සමාගමේ සාර්ථක විදුලි මෝටර්රථ වූ model s හා model x වලින් පසුව වෙළඳපොලට හදුන්වාදුන් මෙම නවතම මෝටර් රථයවූ model 3 මෝටර් රථය සාමාන්‍ය මිලකින් යුතු sedan වර්ගයේ මෝටර් රථයක් වුණා. සාමාන්යෙන් අලුත් apple දුරකතනයක් x-box එකක් නිකුත් කිරීම ආසන්න වෙද්දී මිනිසුන් අදාල සාප්පු ඉදිරිපිට මුලින්ම ඒදේ මිලදීගන්න පෝලිම් ගැසී සිටීම සාමාන්‍ය දෙයක්. එසේ වන්නේ ඔව්න් ඒ product එක ගැන කලින් දන්නා නිසා. නමුත් model 3 මෝටර් රථය කොයිවගේද කියල දකින්නත් කලින් පෙර ඇනවුම් කිරීමට මිනිසුන් පොලිම්ගැසී සිටිය. ඔව්න් එතරම් ටෙස්ලා සමාගම ගැන විශ්වාසය තබා තිබෙනවා. මෙහිදී 115,000 දෙනා මෝටර් රථය දැක ගැනීමටත් පෙර order ඒකරා තිබු අතර මොටර් රථය හදුන්ව දෙන අතරතුරදී එය 150,000 දක්වා වැඩිවී තිබුනා.

model-3-unveil

Tesla model 3 මෝටර් රථය ගැන සඳහන් කරනවානම් එය මිට පෙර නිපදවූ ටෙස්ලා මොටර් රථයන් මෙන්න පුර්ණ විදුලි මෝටර් රථයක් වන අතර එක් charge එකකින් සැතපුම් 215ක්  නැතිනම් කිලෝමීටර 346ක් ගමන් කිරීමට පුළුවන් අතර තත්පර 6කට අඩු කාලයකදී 0 සිට 100 දක්වා ත්වරණය කිරීමේ හැකියාවෙන්ද යුක්තයි. පහසුවෙන් වැඩිහිටියන් 5 දෙනෙකුට ගමන් කල හැකිමෙහි එන්ජිමක් නොමැති නිසා ඉදිරිපස හා පසුපස දෙකේම බඩු භාණ්ඩ රැගෙන යන්න පුළුවන්. ඒ වගේම මෙම මෝටර් රථයේ වහල සම්පුර්ණයෙන්ම වීදුරුවලින් නිමවා තිබෙන අතරම තරු 5 කාණ්ඩයේ safety certificate එකකින්ද සමන්විතය. ඒ වගේම මෙය මිලකර තිබෙන්නේ ඇමෙරිකානු ඩොලර් 35,000කටයි

tesla-model-3-interior

දැනට ලංකාවේ nissan leaf රථ බොහොමයක් තිබෙනවා වගේ  අනාගතයේදී model 3 මෝටර් රථ ද ලංකාවට පැමිණේවි. මොකද දැනටත් ටෙස්ලා model s මෝටර් රථ කිහිපයක්ම ලංකාවේ තිබෙනවා ඒ රුපියල මිලියන 18ක් වැනි මුදලකටයි. නමුත් model 3 මෝටර් රථය ඊටවඩා අඩු මුදලකට ලබන්න පුළුවන් වේවි කියල අපි හිතමු. ඒ වගේම ලෝකයේ බොහොමයක් දියුණු රටවල් වල සිදුවනවා වගේ බදු සහන hybrid රථ වලට හා විදුලි මෝටර් රථ වලට ලබාදීමට බලධාරීන්ට නුවණ ලැබේවායි ප්‍රර්ථනා කරමු.

Tesla model x ගැන ලියවුනු ලිපියක් පහතින්

http://techpedia.lk/2015/10/10/tesla-model-x/

අපෙගේ web අඩවිය පිලිබඳව ඔබගේ අදහස් අපට එවන්න. අප හා සම්බන්ධ වන්න
Like Us: www.fb.com/techpedia.lk
Visit Us: www.techpedia.lk

අයාලේ ගිය කෘතීම බුද්ධිය (Tay)

tay-01

පසුගිය 23 වනදා Microsoft ආයතනය ලොව පුදුම කරවන එළිදැක්වීමක් සිදුකලා ඒ වෙන කිසිවක් නොවෙයි තමන් වෙතට ලැබෙන twitter පණිවිඩ මගින් self learn කිරීම තුලින් එම පණිවිඩ වලට පිළිතුරු දිය හැකි කෘතීම බුද්ධිමය පරිගණක වැඩසටහනක්. කෙටියෙන්ම කියනවා නම් AI tweet bot කෙනෙක්. එය හඳුන්වා දී තිබුනේ Tay නමින්. නමුත් මේ AI එක එලි දැක්වීමෙන් පැය කිහිපයකට පසු ඉතා ජාතිවාදී ප්‍රකාශ නිකුත් කිරීමට පටන් ගැනීම නිසා Microsoft සමාගමට එම වැඩසටහන නවතා දැමීමට සිදුවුනා.

සාමාන්‍යයෙන් tweet bot එකක් යනු twitter සමාජ  ජලය තුල හුවමාරු වන පණිවිඩ (tweets) ස්වයන්ක්‍රියව නැවත පළකිරීම (retweet) කිරීම වැනි ක්‍රියාවලියක නිරත වෙන පරිගණක වැඩසටහනක්. Microsoft ආයතනයේ Microsoft’s Technology and Research team, එක මගින් නිපදවූ මේ tweet bot එකෙහි ඇති සුවිශේෂී කාරණය වන්නේ ඔබ විසින් එය වෙත යොමු කරනු ලබන පණිවිඩ මගින් එය තනිවම ඉගෙන ගැනීම මගින් නව පණිවිඩ නිර්මාණය කිරීම සහ එය වෙත ලැබුන පණිවිඩ වලට සාමාන්‍ය මිනිසෙකුගෙන් ලැබෙන ආකාරයේ ප්‍රතිචාර දැක්වීමයි. එය හරියට කුඩා දරුවෙක් අලුතින් යමක් ඉගෙන ගන්නවාට බොහෝ සමානයි. එකම වෙනස නම් මිනිසෙකුට වඩා ඉතා වේගයෙන් ඉගෙන ගැනීමේ හැකියවක් මෙවන් කෘතීම බුද්ධියකට තිබීමයි.

කෙසේ වෙතත් අන්තර්ජාලයේ සැරිසරන්නන් මේ AI එකට වැරදි ආකාරයේ පණිවිඩ බොහෝ ප්‍රමාණයක් එවීම ආරම්භ වීම නිසා එය තරමක් ගැටළු සහගත twitter පණිවිඩ නිකුත් කරීමට පෙළඹී තිබෙනවා. එය මෑත කාලයේදී බොහෝ මතවාද වලට තුඩු දී තිබෙන ඇමරිකානු ජනාධිපති ධුර අපේක්ෂකයෙකු වන Donald trump වෙත සහය පලකිරීමට සහ හිට්ලර් කිසිදු වරදක් සිදු කලේ නැතැයි යනුවෙන් අන්දොලනත්ක්ම twitter පණිවිඩ නිකුත් කරනු ලැබුවා.

පහත දැක්වෙන්නේ මෙම tweet bot එක විසින් ප්‍රථමයෙන්ම නිකුත් කරන ලැබූ පණිවිඩයයි

tay-02

පහත දැක්වෙන්නේ මෙම tweet bot එක විසින් නිකුත් කරනලද ආන්දෝලනාත්මක twitter පණිවිඩ කිහිපයකුයි.

tay-04

tay-03

tay-01

බොහෝ දෙනෙක් මෙය සිනහවට කාරණයක් ලෙස සැලකීමට පුළුවන් නමුත් මෙය එක්තරා ආකාරයක අනතුරු ඇඟවීමක් අපවෙත එල්ල කරනවා. එනම් මෙවන් කෘතීම බුද්ධිමය වැඩසටහන් කෙතරම් පහසුවෙන් නොමග යැවීමට හැකිද යන්නයි. කෙසේ වෙතත් මෙම twitter bot එක තවමත් ක්‍රියාත්මකයි නමුත් එය මගින් කිසිදු පණිවිඩයක් හෝ ප්‍රතිචාරයක් ලැබෙන්නේ නැහැ. කෙටියෙන්ම කියනවා නම් එය Microsoft ආයතනය ඔවුන්ගේ අරුම පුදුම නිපැයුම තාවකාලිකව නිහඩ කොට තිබෙනවා. නමුත් එහි ඉගෙනුම් ක්‍රියාවලිය තවමත් සක්‍රියව පවතිනවා.

පහත දැක්වෙන්නේ එය නිකුත් කරන ලද අවසාන twitter පණිවිඩයයි.

tay-06

අපෙගේ web අඩවිය පිලිබඳව ඔබගේ අදහස් අපට එවන්න. අප හා සම්බන්ධ වන්න
Like Us: www.fb.com/techpedia.lk
Visit Us: www.techpedia.lk

අරුමපුදුම 4700cc මෝටර් සයිකලය

lazareth-lm847-tilting-quad-motorcycle-5

මෝටර් සයිකලයක්  කියල කියන්නේ අප වැනි රටක බොහො නිවාසවල  දකින්න පුලුවන් දෙයක්. එදිනෙද වැඩ කටයුතු කරගැනීමට  car එකක් හරවනවාට වඩාපහසුවෙන් ගිහින් එන්න පුළුවන් නිසා අපි මෝටර්සයිකලයට සැහෙන කැමැත්තක් දක්කවනවා. හොද තත්වයේ වැඩි එන්ජින් ධාරිතාවයකින් යුතු මෝටර්සයිකල් සඳහා දැන් වැඩි උනන්දුවක් තිබෙනවා. නමුත් අපගේ මාර්ගයන්ට ගැලපෙන ලෙස 250 cc වලට එය සිමාකරලා තිබුනත් එහෙන් මෙහෙන් රිංගල ගෙන 1000cc මෙහෙ නැතුවමත් නෙවෙයි. ඒ වගේ බයිසිකලයක් පැදලා ගණන් සතුට car එකකින් ගන්න අමාරුයි මොකද ඒ ත්වරණය ගන්න car එකක් අසමත් වන නිසා. අද අපි මේ ලිපිය ගෙන එන්නේ අරුම පුදුම 4700cc මෝටර්සයිකලයක් පිළිබඳවයි.

lazareth-lm847-tilting-quad-motorcycle-9

ඔබට බැලුවොත් පෙනෙනවා ඇති මේක ඇත්තටම මෝටර්ස්ය්කලයක් පදිනවට වඩා එන්ජිමක්  පදිනවා කියල කිව්වත් වැරදි නැ. මෙය නිෂ්පාදනය කරලා තිබෙන්නේ Lazareth නම් ප්‍රංශ සමාගමක් විසින්. මෙය ඔව්න් නම් කර තිබෙන්නේ Lazareth LM 847 ලෙසයි. මෙය මුලිකව 4.7-liter Maserati V8 එන්ජිමක් වටා නිර්මාණය කරලා තිබෙනවා. මෙහි අනෙක් විශේෂත්වය නම් මෙය රෝද හතරකින් සමන්විතවීමයි එහිදී ඔව්න් මෙයට වේගවත් ධාවනයක් හා සමතුලිත තාවය ලබාදීමට swing arm යොදාගනිමින් නිපදව තිබෙනවා . තවද  single-speed viscous clutch automatic transmission system එකක් තමයි ඔව්න් මෙය වෙනුවෙන් යොදාගෙන තිබෙන්නේ. four single-sided swingarms, rim-mounted brakes, dual hub-centre steering යන ක්‍රමයන්ද ඔව්න් යොදාගෙන තිබෙනවා. මෙම මෝටර්සයිකලය යුරෝපයෙ නිත්‍යානුකුලව ධාවනය කිරමට හැකි අතර මෙය කිලෝ 400ක් බරින් හා මීටර 2.6ක දිගින් යුතුයි මෙහි පුදුම දනවන චයාරුප කිහිපයක් පහතින් බලන්න පුළුවන්.

lazareth-lm847-tilting-quad-motorcycle-10 lazareth-lm847-tilting-quad-motorcycle-11 lazareth-lm847-tilting-quad-motorcycle-6 lazareth-lm847-tilting-quad-motorcycle-4 lazareth-lm847-tilting-quad-motorcycle-3 lazareth-lm847-tilting-quad-motorcycle-2 lazareth-lm847-tilting-quad-motorcycle-1

රෙද්දක් නැති කුඩේ

air-umbrella3

කුඩය අපට එක එක වෙලාවට ඕනේ වෙනවනේ. එක ඉතින් බාවිතාකරන කෙනාගේ හැටියට තමයි. අව්වට, වැස්සට වගේම හැංගිලා ඉන්නත් කුඩය යොදාගන්නව. ඊට අමතරව හදිසියකට ආයුධයක් විදිහටත් යොදාගත් අවස්ථාවන් ගැන අහල ඇතිනේ. අද අපි මේ ලිපිය ගෙන එන්න සුදානම් වන්නේ රෙද්දක් නැති කුඩයක් පිළිබඳවයි. හැබැයි මේ කුඩය යොදාගන්න පුළුවන් වෙන්නේ වැස්සෙන් බේරෙන්න නම් විතරයි.

air_umbrella

කුඩේ වැස්සකට තෙමුනම එක ටිකක් කරදර කාරී. මොකද තෙමුන කුඩයෙන් වතුර බේරීම නිසා. ඊට අමතරව තෙමුන කුඩයක් එක්ක බස් එකක වගේ යන්න උනොත් කිහිපදෙනෙක්ම ඔරවල බලන එක අනිවාර්ය දෙයක්. නමුත් මේ කුඩය ඔබව වැස්සෙන් ආරක්ෂාකරනවා, නමුත් මේක තෙමෙන්නේ නම් නැ මොකද මේකේ කුඩ රෙද්දක් නොමැති නිසා. මේ කුඩය සමන්විත වෙන්නේ ලිතියම් අයන් බැටරියක් මෝටරයක් හා කුඩා පංකාවකින්. වැටෙන වතුර බින්දු මෙම පංකාවේ වේගවත් සුලන් පහරින් ඉවත්කරවිමයි. ඒ අනුව මෙම පංකාව යට කුඩයක මෙන් වතුරෙන් නොතෙමි ඉන්න හැකියාව ලැබෙනවා.

ඔව්න් මෙය ප්‍රධාන වශයෙන් ප්‍රමාණ තුනකින් නිපදවිමට බලාපොරොත්තු වනවා. 30 cm දිගින් හා 500 g බරින්  මිනිත්තු 15ක බැටරි ආයුකාලයක් සහිතව, 50 cm දිගින් හා 800 g බරින්  මිනිත්තු 30ක බැටරි ආයුකාලයක් සහිතව හා වඩා වැඩි වපසරියක් වැස්සෙන් ආරක්ෂාකරමින් 80 cm දිගින් හා 850 g බරින්  මිනිත්තු 30ක බැටරි ආයුකාලයක් සහිතවයි. මෙය සාමාන්‍ය තද වැස්සකින් ඔබව ආරක්ෂාකිරීමට සමත් වනවා. නමුත් කුඩය වේලනවා වගේ මේ කුඩය charge කරන්න නම් වේවී

Galaxy S7එකට පුළුවන්, iPhone 6 එකට බැරි වැඩ

it-has-an-always-on-screen

Samsung සමාගම ඔව්න්ගේ නවතම Galaxy S7 හා Galaxy S7 Edge දුරකථන වෙළඳපොළට නිකුත් කිරීමට සුදානම් බව ඔබ දැනටමත් දන්නවා ඇති. ඒ මාර්තු මස 11 වනදා කියල තමයි ආරංචි වෙන්නේ. නව තාක්ෂනය පිලිබඳ අවදියෙන් ඉන්න ඔබ දැනටමත් දන්නවා ඇති Galaxy S7 එකේ features මොනවද කියල, දන්නේ නැතිනම් පහතින් ඔබට එය බලාගන්න පුළුවන්. දැනට Samsung සමාගමේ ප්‍රධාන තරංග කරුවා වන්නේ apple සමාගම බව අමුතුවෙන් කියන්න ඕනේ නැනේ, නඩු හබ වලිනුත් පස්සේ සමාගම් දෙකම තම වෙළඳ පොළ තහවුරු කරගන්න තියුණු තරඟයක දීල ඉන්නවා. මිට ටික කලකට පෙර නිකුත් කරපු iPhone 6 එක හා තරඟයට එන Galaxy S7 හා Galaxy S7 Edge දුරකථන වලට පුළුවන් නමුත් iPhone 6 එකට බැරි දේවල් කිහිපයක් ගැනයි මේ සටහන.

Galaxy S7 දුරකතනය water resistant

apple සමාගම iPhone 6 දුරකතනයට gasket එකක් සවිකර ඇති බව ඇත්ත උනත් ඔව්න් එය water resistant බව කියන්නේ නැ. නමුත් Galaxy S7 දුරකථනය IP68 rated දුරකතනයක්. අනුව එය මීටරයකට වඩා වැඩි ගැඹුරක මිනිත්තු 30ක් පමණ තබාගන්න පුළුවන්

ඉතා ඉක්මනින් charge කිරීමේ හැකියාව 

Galaxy S7 දුරකථනය microUSB මගින් හා wireless තාක්ෂණය මගින් charge කිරීමට හැකි අතර සම්පුර්ණයෙන් charge කිරීමට පැය දෙකක් ප්‍රමාණවත් වනවා, නමුත් apple දුරකථනය සම්පුර්ණයෙන් charge කිරීමට පැය 3ක් පමණ ගත වනවා, වඩාත් සිත්ගන්නා කරණය වන්නේ Galaxy S7 දුරකතනයක් මිනිත්තු 30ක් ඇතුලත 60%ක බැටරි charge වීමක් ලබාගැනීමයි.

කැමරාවේ වෙනස්කම් 

මෙම දුරකථන දෙකම 12 MP back camera එකකින හා 5 MP front camera එකකින් යුතුයි. නමුත් Galaxy S7  දුරකථනයේ කැමරාව වඩාත් වේගවත් forcous වීමක් සහිත අතර අඳුරේදී වඩාත් පැහැදිලි ඡයාරුප ගැනීමට සමත්. ඒ බව පහතින් ඔබට බලන්න පුළුවන්.

විශාල බැටරිය 

Galaxy S7 දුරකතනය සතුව 3,000 mAh බැටරියක් ඇති අතර Galaxy S7 Edge දුරකතනයේ  3,600 mAh බැටරියක් සහිතවේ නමුත් iPhone 6sඑක සතුව1,715 mAh බැටරියක් හා 6s Plus එක සතුව 2,750 mAh බැටරියක් සහිතයි ඒ අනුව අනිවාර්යෙන් Galaxy දුරකථනය වඩා වැඩි  battery life එකකින් යුක්තයි.

මිට අමතරව සාමාන්‍ය පරිදි ඔබට අවශ්‍ය ලෙස memory එක වෙනස් කිරීමට memory cards බාවිතකිරීමට Galaxy S7 දුරකතනයේ හැකියාව පවතිනවා. මිට අමතරව always on display එකක් සමග එන  Galaxy S7 දුරකථනය phone එක wake කිරීමකින් තොරව වෙලාව බලාගැනීම වැනි දේවල් කරගන්න පුළුවන්. මෙවැනි නවතම තාක්ෂණයක් සමග හදුන්ව දෙන Samsung දුරකථනය apple iPhone එකට අභියෝගයක් වනු නොඅනුමානයි.

ti_graphics_galaxys7-compare-chart

samsung-galaxy-s7-3 samsung-galaxy-s7-edge-21

ලෝක විනාශයක් වැලක්වීමට රුසියාව සුදානම් ?

1016256278

රුසියානුවන් නිපදවපු අරුම පුදුම වාහනය ගැන අපි කථාකර ඔබට මතක් ඇතිනේ. අද මේ ලිපියෙන් ගෙන එන්නේ රුසියාව විසින් පෘථිවියේ පැවැත්ම උදෙසා ඉටු කිරීමට සුදානම් වන කරුණක් පිළිබඳවයි. අප දන්නවා  ක්ෂිරපත මන්දාකිනිය පාවෙන ඇස්ටෝරොයිඩ වලින් පිරි පවතිනවා. ඉතින් යම් අවාසනාවන්ත අවස්ථාවක විශාල ඇස්ටෝරොයිඩයක් අප සිටින පෘතුවියෙ හෝ සඳ මත පතිත වුවහොත් ලෝක විනාශය සිදුවීමට හැකියාවක් පවතිනවා. මෙවැනි අවස්ථාවක අපට කල හැකි දෙයක් නම් එම ගැටීමට නියමිත වස්තුව හඳුනාගෙන එය විනාශ කිරීමයි. නමුත් මෙතෙක් පෘතුවි වසින් වන අපි එවැනි දෙයක් සිදුකර නොමැති අතර, දැන් එවැනි දෙයක් සිදුකිරීමට උත්සාහයක නිරතවීමට රුසියාව සුදානම් වනවා.

ඔව්න් මේ අයුරින් විනාශ කිරීමට උත්සහ කරන්නේ  Apophis නම් ග්‍රාහකයක්. එය ප්‍රමාණයෙන් මීටර 325ක්  වනවා.  මුලින්ම මෙය පිළිබඳව සොයාගන්නේ 2004දි  එහිදී එය වසර 2029දි  පෘතුවිය හෝ සඳෙහි ගැටීමට 2.7% ප්‍රමානයක හැකියාවක් පවතින බව අනාවරනය කරගනු ලබනවා. නමුත් පසු ගණනය කිරීම වලදී එය පෘතුවියට කිලෝමීටර 31000 ඇතින් ගමන් කරනු ඇතිබව තහවුරු කරා. නමුත් කිලෝමීටර 31000 කියන්නේ සඳ හා අප අතර ඇති දුරෙන් 12න් 1 කොටසක්. එම ග්‍රාහකය නැවත 2036දි නැවත අපට ආසන්නයෙන් ගමන් කිරීමට නියමිතයි නමුත් ඒ කොලොමිටර මිලියන 20ක් ඇතින්.මේ දෙවන වර ගමන් කිරීමේදී එය අපෙන් ඇතට යන නිසා මෙම අවස්ථාවේදී රුසියානුවන් මෙය විනාශ කිරමට උත්සහ කිරීමට නියමිතයි.

maxresdefault

ඔව්න් මෙය සිදුකිරීමට උත්සහ කරන්න අන්තර්මහද්විපික බැලස්ටික් මිසයිලයක් යොදාගනිමින්. රුසියාව චීනය හා බටහිර රටවල් බොහොමයක් සිතල  යුද්ධ සමයේදී න්‍යෂ්ටික පුපුරන ද්‍රව්‍ය රැගෙන යාමට හැකි මෙම අන්තර්මහද්විපික බැලස්ටික් මිසයිලය නිපදවනු ලැබූ අතර ඕනෑම මොහොතක එක් බොත්තමක් එබුසනින් ක්‍රියාකිරීමට ඉන්ධන පුරවා සුදානම් කර තිබෙනවා. නමුත් තවම මෙම මිසයිල අභ්‍යවකාශයට යවා නොමැති අතර මේසඳහා ඒවා upgrade කිරීමට නියමිතයි. වසර 2036ට තව කල් තිබෙන නිසා මෙය සඳහා සුදානම් වීමේ ගැටළුවක් නොමැති බව ඔව්න් පවසනවා.

apophis20080909095109

කෙසේ වෙතත් මෙම ග්‍රාහකයා පෘතුවිය හා ගැටුනොත් එය පෘතුවියේ ඇති විශාලතම න්‍යෂ්ටික අවිය මෙන් 20 ගුණයක ශක්තියක් නිකුත් කරනු ඇති අතර නමුත් එය පෘථිවිය විනාශ කිරීමට ප්‍රමාණවත් නැ. ඒ සඳහා අවම අවශයෙන් කිලෝමීටරයක ප්‍රමාණයේ ග්‍රාහකයක් ගැටිය යුතු වනනවා.  මෙවැනි ග්‍රාහක පිළිබඳව අවධානයෙන් සිටීමට nasa ආයතනය කටයුතු කරන අතර පෘතුවිය ආසන්නයෙන් ගමන් කරන ග්‍රාහක පිළිබඳව සෙවීමට වෙනම ඒකකයක්ද පිහිටවා තිබෙනවා.

ඕනෑම nut එකකට හරියන යතුර

Adjustable-wrench2-636x350

ලෝකය කාර්මීකරණය වීමත් සමග මිනිසාට තම වැඩ කටයුතු  පහසුවෙන් කරගැනීමට විවිධ යන්ත්‍ර හදුන්ව දෙනු ලැබුවා. මෙලෙස විවිධ වූ යන්ත්‍ර නිපදවීමේදී එක එකලස් කිරීමට විවිධ ක්‍රම යොදාගත්තා ඒ අතුරින් welding කිරීම rivet කිරීම මෙන්ම crimp කිරීම හා tight fitting මුලික වශයෙන් යොදාගත්තා, නමුත් මෙම ක්‍රම මගින් යමක් සවිකළ පසු නැවත එය ගැලවීම එතරම් පහසු දෙයක් වුයේ නැ. එම නමුත් එවැනි ගැටළුවක් නොමැති nut සහ bolt මගින් එකලස් කිරීම ජනප්‍රිය හා වාසිදායක ක්‍රමයක් වුවා.  ඒ මිට වසර සිය ගණනකට පෙරයි. ඉන්පසුව ලොව යානවාහන නිපදවීමේදී බහුලවම nut සහ bolt යොදාගත් අතර අවශ්‍ය කරන ශක්තිය අනුව විවිධ ප්‍රමාණ වලින් යුක්තවයි. ඒ නිසා සාමාන්‍ය ගරාජයක හෝ වැඩපොලක යතුරු පෙට්ටියක් තිබීම අනිවාර්ය කරුණක් වුවා.

මෙනිසා ඕනෑම mechanic කෙනෙක් සතුව අනිවාර්යෙන්ම යතුරු කිහිපයක් තිබිය යුතු වුණා. නමුත් අවශ්‍ය විට යතුර මාරු කරමින් වැඩ කිරීම තරමක් කරදර කාරී දෙයක්. ඒ වගේම නියමිත යතුර නොමැතිව ඇණ ගලවන්න ගිහින්  ඇණ රවුම් උනාම එක  ඊට වඩා වදයක්. මෙවැනි ගැටළු දශක ගනනාවක් පුරා පවතී අතර දැන් මෙයට හොද පිළිතුරක් ලබාදෙමින්  Aperture නමින් සියලුම bolt ප්‍රමාණ වලට ගැලපෙන එක් යතුරක් හදුන්ව දීමට සමත්ව තිබෙනවා.

930b8227162073.56360a6360077

ඔබට තාක්ෂණික දේවල් ගැන සාමාන්‍ය දැනුමක් තිබේනම් ඔබ දන්නවා ඇති කැමරාවක aperture වැඩ කරන ආකාරය. අන්න ඒ වගේ තමයි මේකේ eye එක වැඩ කරන්නේ. මෙය අවශ්‍ය කරන nut එකට දමා වටේ ඇති රතු පාට ring එක කරකවිම මගින් අදාල nut එකේ ප්‍රමාණයට සකසාගත හැකි අතර ඉන්පසුව lock කිරීම මගින් සාමාන්‍ය යතුරක් මෙන් පාවිච්චියට ගන්න පුළුවන්. ඊට අමතරව අඳුරු ස්ථානයක වැඩ කිරීමේදී අවශ්‍ය ආලෝකය ලබාගැනීමට built in light එකකින්ද සහිත වනවා. නමුත් මෙහි ඇති එක් අවාසියක් වන්නේ එය තරමක් ප්‍රමාණයෙන් විශාල වීමයි. එනිසා ඉඩ කඩ සීමිත ස්ථානයක මින් වැඩ කිරීම තරමක් අපහසු කාරණයක් වනවා. දැනට අවසන් අදියරේ පවතින නිර්මාණයක් වන මෙය තව නොබෝකලකින් වෙළඳපොළට එක්කිරීමට නියමිතයි

Adjustable-wrench-610x807